鍾舒漫凍結嫁期：要休息吓

鍾舒漫、周麗淇（Niki）及陳嘉桓等昨日出席美容產品活動，剛受情傷的Sherman表現平靜，坦言雖不認同男友吳浩康的不恰當行為，但已原諒他，透露雙方現需「緩衝期」，問是否代表要分手？Sherman否認：「唔好咁講，係呢段關係，大家需要休息吓，但我哋仍然有聯絡。」至於「緩衝期」維持多久？Sherman就說視乎情況。

「將來冇人知」

講到Deep早前單方面表示求婚成功，自爆一、兩年就娶Sherman，Sherman否認有確實婚期：「只係單純情侶間嘅憧憬。」問現在是否仍視Deep為結婚對象？Sherman謂：「將來嘅事冇人知。」

陳嘉桓晒白滑玉背。	看來吳浩康仍要努力氹番鍾舒漫。（資料圖片）	周麗淇希望幫姐姐周汶錡湊B。

有傳Sherman因是基督徒而抗拒婚前性行為，令Deep「寂寞」致「偷食」，Sherman表示：「唔關事，如果因為我嘅身份而有咁嘅傳聞好唔合理，兩個人一齊唔係淨係得呢樣嘢（性），仲包含咗好多嘢。」而Deep至截稿前未能聯絡得上。

Niki爭住湊B

同場的Niki講到姐姐周汶錡宣布懷孕五個月，她笑言待BB出世會爭住湊B：「其實哥哥嗰個B都係我湊嘅。」

文：音樂組