吳雨霏 米蘭冇艷遇
【陳嘉敏米蘭直擊】歌手吳雨霏（Kary）於米蘭時間2月28日現身當地舉行的Emilio Pucci 2015秋冬騷，短褲上陣的她大騷長腿，在當地數天的她表示每日也忙於拍攝工作：「影相都係戶外為主，又要着得好薄，都幾凍，而且每日都要睇騷，但最後一日有空檔，希望有時間行街。（喺米蘭拍埋唱片封面？）難得飛到咁遠，會影好多相做宣傳。」
Kary稱仍未適應時差，最掛念是中國菜。問到會否掛念老公？她說：「OK啦！我哋有保持聯絡。（每日一電？）係，點都要報平安。」Kary又笑言想遇到靚仔，可惜未有發現。而日前有份欣賞Fendi時裝騷的她，對於未能與品牌創作總監Karl Lagerfeld合照而感到可惜。
問到榮升人妻的Kary會否因在米蘭過新年而慳了不少利是，她否認：「好多朋友話新年之後都會keep住派利是，已經約咗朋友返香港後食飯團年。」