劉浩龍機艙被拍:幾唔開心!

藝人劉浩龍、梁漢文和郭偉亮昨日到灣仔出席慈善羽毛球大賽開球儀式,劉浩龍受訪時談到早前與女友容祖兒到日本過新年,他說:「去咗幾日,都係休息吓,好簡單咁度過。」又指自己在當地每朝起身都做兩個鐘運動,在旁的郭偉亮即笑謂:「好浪漫!」不過,講到在機艙被偷拍,劉浩龍直言雖然在當地未遭到偷拍,但仍覺掃興:「我哋比較低調,都係想Relax吓,畀人生擒都幾唔開心,都唔知為乜。」

有傳郭偉亮媽咪與老婆葉佩雯不和,所以老婆不去美國探奶奶,他說:「之前嘅事,都係個仔(指自己)唔識做啦!好小事,實有!」又坦言雙方現在沒有嫌隙:「但唔知過多幾個月會點!(學改善關係?)盡做!」更指會出招氹老婆與媽咪。