祖兒網購也瘋狂 擲六位數掃衫

樂壇天后容祖兒經過農曆新年一輪休息後，又再度投入工作，昨日盛裝出席銀行活動，並分享自己在網上購物的經驗，她透露除了服裝外，亦會在網上購買食材，她說：「好新鮮o架，連調味料都有埋，好似好Pro（專業）咁。」至於網上買衫，她就說：「試過喺紐約因為時差瞓唔着，於是上網睇衫，結果睇睇吓就冇咗幾皮嘢（幾萬蚊）。」

睇衫成癮似止痕

不過，祖兒自言最瘋狂的一次，是在網上買歌衫：「因為上網搵藝術嘢用嚟拍MV，結果用咗六位數字，嗰次真係代表作，加上以前冇咁多時間睇，所以就一次過買好多。」她稱現在已經收斂不少：「依家唔一定次次都買，要睇啱心水先。但都有心癮，幾日就會睇一次，感覺好似止痕咁。」

手信贈男友家人

而祖兒早前跟男友劉浩龍去日本大阪旅行時，在商務客艙內被網民「捕獲」，她說：「我哋都盡量低調，但畀人影到都冇咩所謂。」她又透露此行主要休息充電為主，故沒有外出血拼，但亦有買衫給容媽媽。問到可有送禮物給男友家人？她說﹕「都有手信。」

文：音樂組