行紅地氈的一眾女星不論任何天氣似乎都愛中門大開鬥搶鏡，第21屆美國演員工會獎（SAG Awards）眾女星均盛裝出席，星級造型師郭慶彬（Ricky）就大讚愛瑪史東（Emma Stone）黑色西裝下身襯拖透視尾長裙，中性型格、夠特別，其他女星的晚裝非黑即白，沒有款式，只靠deep V搶鏡，毫無驚喜。
雖然黑色好似沉悶，但款式特別，黑色西裝下身襯透視拖尾長裙，若隱若現露出修長美腿，中性而型格，藍眼睛襯紅唇好搶眼。
第一眼望落去着得好靚，白色在紅地氈搶眼，U領deep V開得恰到好處，不過分性感又有嘢睇，比例修長，短髮造型突出，加埋對耳環感覺唔錯。
修腰魚尾裙款，中門大開的設計最搶眼，條裙亦着得佢有曲線美，鍾意佢有心思低V位加咗頸鏈點綴，但最襯係佢髮色同條裙好夾。
一般啦，一貫紅地氈最悶嘅黑色，穩陣但冇驚喜，佢勝在金頭髮、白皮膚，手袋耳環加埋啱啱好，唯一讚係佢膊頭幾靚同keep得好。
長袖裙款唔錯，晚裝deep V比例開得好，令比例修長，若將裙改短至掂地會更靚，佢皮膚黑着有花款都好搶眼，紅地氈上好有霸氣！
失望！佢有條件着得好靚，可能因為佢大肚，揀錯戰衣，條紫色裙令佢肥，所以自暴其短！紫色原本都幾出，可惜款式令人失望，揀貼身裙會更好。
打扮一般，佢聰明地揀條白色裙，可惜裙款令到佢好大隻，肚兜剪裁着到佢個胸好大，個爆炸頭扣晒分，梳個貼伏髮型會仲好。
一改平時作風，打扮中性、穩陣，以低胸衫搶鏡，如果添加女性化元素如頸鏈就更好。佢着尖頭高踭鞋會靚過依家所着嘅露趾鞋，好師奶。
著名星級造型師郭慶彬曾遠赴米蘭與巴黎時裝周，出席多個品牌活動，又在中國時尚節目《美麗俏佳人》擔任嘉賓主持，現於電台擔任客席嘉賓大談時裝之道與配搭技巧，近年為各大品牌客串造型顧問，提供服飾資訊與配搭技巧。他曾為李冰冰、吳君如等擔任造型師，地位獲肯定。