吳若希黐實沈震軒 集齊全套

最近無綫下令禁止旗下藝人在社交網站公開答謝贊助品牌，無綫企業傳訊部副總監曾醒明回應稱這政策一直都有，套用在經理人合約下的藝人：「佢哋義務比較多，若果佢哋公開答謝品牌會涉及商業行為，所以內部會定時提醒藝人，以防此風氣疏鬆。」

羅仲謙電話拜年冇詐型

Sisley昨日亦回應認為公司的出發點是保護藝人的利益，無懼嚇怕贊助商：「其實我哋同贊助商都係好朋友，關係友好，所以我覺得冇所謂。」而同場的若希就做足功課：「藝人自己唔得，但印象中贊助商嗰邊可以自己post，我相信影響不大。」

羅仲謙專程請假回港為新劇造勢。

蔡思貝率領同劇演員衝線。

談到今次《衝線》花邊新聞層出不窮，Sisley和若希都笑稱「傳過晒」，若希更笑言獨欠沈震軒：「我會盡量企喺佢隔籬，等我有機會集埋佢郵。」但Sisley就怕太多緋聞會影響「朋友」間的感情。

而專程請假回港為《衝》劇打響頭炮的謙仔就自稱新年只向楊怡「電話拜年」，同時表示她沒向自己詐型，笑謂：「搵食呀大佬！但香港始終係我嘅根。」

文：影視組