陳嘉桓「峰」騷高海寧慘遭凸襲

一眾女星前晚盛裝出席香港國際毛皮時裝展覽會盛事「皮草之夜2015」，更上演一場新舊咪神大混戰。四大新進小花：龔嘉欣、蔡思貝、陳凱琳及陳嘉桓齊齊力谷咪咪，望與「34D咪神」高海寧一較高下，鋪路接棒。當中以陳嘉桓最為「凸」出，大晒五吋事業線外加白滑長腿，最有望升cup為女神之位。

Rose大晒五吋深溝配修長美腿，殺傷力十足，有望接棒女神之位。

四大新進小花陳嘉桓（Rose）、龔嘉欣、蔡思貝、陳凱琳及「咪神」高海寧（高Ling）等，前晚齊齊盛裝出席香港國際毛皮時裝展覽會盛事「皮草之夜2015」。四大小花更使出渾身解數，低胸、露背、晒腿樣樣齊，實行各出奇謀誓搶「咪神」高Ling「峰」頭。當中要數吸睛度最高、最有新鮮感嘅，莫過於罕有地性感示人嘅Rose。她以一雙白滑長腿配以五吋「深溝」上陣，令一向「波」濤洶湧嘅高Ling亦慘被比下。

堅拒露點演出

對於當晚着得如此性感，Rose坦言晚裝係由大會安排：「我無刻意谷胸，可能我頭髮只係去到鎖骨，所以大家睇多咗。件衫似外國宮廷feel，所以要谷一谷。」問到Rose是否有意在羊年轉行性感，接棒做女神？Rose就表示早於電影《販賣.愛》中已有大膽演出，亦非一定要挑戰性感極限。至於會否考慮露點演出，她就斬釘截鐵Say No：「師傅（冼國林）未必接受到，同埋唔一定要露晒，露晒嘅感覺唔好。」