黃智賢賤嘴波士寸盡陳慧珊

黃智賢在無綫劇集《四個女仔三個Bar》西裝骨骨飾演大律師為他殺出「專業形象」的新戲路，不慍不火雄辯滔滔演繹大律師除了網友激讚，就連中環白領界也大讚他形象專業。三月黃智賢將會以「男一」姿態與陳慧珊拍檔開拍新劇《波士早晨》 ，今次扮演電訊公司CEO繼續他最煞食的西裝Look拍劇。

首次合作

近日黃智賢為《波士早晨》到中環度身訂造西裝拍劇，西裝Look煞食的黃智賢原來平日少有着西裝，他說：「除咗工作平時都好少着西裝，新劇有九成時間都係着住西裝。同陳慧珊識咗好耐，今次係第一次合作，佢都做開專業人士角色，應該會有火花。」

恨拍喜劇

黃智賢過往演出多是硬朗角色，今次則是輕鬆喜劇，他說：「自己好少做喜劇，但一路都好想拍喜劇，演員係咁貪心乜都想試。今次角色似衰鬼波士嗰種，把口好賤、好抵死，戲裏面成日寸飾演我前妻嘅陳慧珊。」新劇以辦公室攻略為題材，黃智賢為求拍出辦工室舌劍唇槍的情況，要向「私人顧問」請教，他笑說：「自己未做過辦工室工作，太太係做文職，所以最直接係向佢取經，問吓佢意見。」

黃智賢在《四個女仔三個Bar》飾演大律師，專業人士形象深入民心。	陳慧珊將與黃智賢首度合演，二人在劇中經常鬥氣。	黃智賢為新劇《波士早晨》試西裝，並由師傅為他度身訂造。

文：影視組

攝：張福宏

服裝、場地：LUXE Tuxedo