可嵐（目及）中靚舖賣咖啡
廣告新貴邱美薇（Chelffy）、可嵐、黃穎君（Burmie）及黃毅進日前相約開餐，豪食鮑魚及金蠔等貴價賀年菜！大飽口福的他們提到羊年展望，走出婚變陰霾的可嵐表示：「依家（同前夫）關係nice咗，大家放低咗憤怒，成熟面對，唔想影響個仔。」重新出發的可嵐表示打算豪花過百萬元開設靚景咖啡店：「已經落咗訂，但攞牌照就有阻滯，萬事起頭難，慢慢再研究！」
而Chelffy直認恨拍拖，更自爆獲「高人」指點可於今年訂婚：「我同Burmie去佛山玩兼求籤問姻緣，點知師傅第一句就話我今年可以訂婚，（有訂婚對象？）選擇中，對象最緊要錫我！」至於年中下嫁圈外男友的Burmie就自爆被批「婚不合」：「真係好擔心，好彩師傅話計番生肖就唔關事！」
場地：御名軒