金慧君家庭傳統要早婚
青春可人的o靚模組合冬甩成員金慧君（金金）大談新年願望，直言想發橫財及搵到理想結婚對象：「之前識過個富二代，印象唔係咁好，所以唔使要有錢人，最緊要溝通到同屋企人鍾意。」問到只得20歲的金金何以有結婚念頭？她說：「其實我唔細喇，屋企人都比較傳統，想我早婚。（希望羊年結婚？）又唔使咁急，希望今年搵到對象，拍拖年幾兩年就結婚！」
身為山東人的金金表示新正頭，屋企人一定要包餃子，並會放硬幣、花生及蜜棗做餡料，若吃到硬幣代表發達，她又謂：「仲有係唔會熄燈瞓覺，因為財神爺見到光先會入我哋屋企。」事業方面，已推出兩次寫真的金金希望有機會拍電影，最想拍古裝宮廷片。