阿倫眼濕濕：唱到80歲！

「樂壇校長」譚詠麟的橫跨農曆年《銀河歲月40載》個唱，前晚在紅館舉行尾場，全場繼續座無虛席，鄺美雲、羅霖、毛舜筠夫婦等捧場。阿倫繼續大唱金曲，期間有女歌迷走到台邊向阿倫送上士多啤梨，並表示：「多謝你咁多年嚟唱咁多好歌畀我哋，『無言感激』呢四個字應該係我哋同你講。」阿倫被感動得說不出話，更眼泛淚光，冷靜良久後才說：「我盡力而為，希望唱到80歲！」

帶五月天逗利是

前晚嘉賓是台灣天團五月天，五子先跟阿倫合唱《愛情陷阱》，阿倫又帶五子到台邊向歡眾逗利是，五月天主音阿信自言未試過上台唱歌有利是收，然後眾人再獻唱首本名曲《突然好想你》。

譚詠麟前晚繼續大唱金曲。

搞鬼的阿倫追住五月天的石頭派利是。

現場觀眾反應熱烈，安哥到晚上近11時45分，期間阿倫向觀眾表示憑個唱票尾，半年內可到他旗下的餐廳免費食雲吞麵：「不過大家唔好一次過太多人去。」獻唱最後一曲《無言感激》時，阿倫感觸含淚謂：「真係希望唱到80歲，過去呢13晚每分每秒，我都會好好記住。」

五月天主音阿信與阿倫對唱。

完場後有歌迷用網向阿倫送上利是。

設計頸巾贈嘉賓

完騷後阿倫直言被歌迷的反應感動：「我一路都頂住唔喊，唔想影響演出。」阿倫又感激一眾演出嘉賓：「我親自送咗份禮物畀佢哋，係我設計嘅頸巾。」

文：音樂組