楊秀惠兇狠嚇退猛男
楊秀惠在劇中飾演女殺手，目露兇光的表情獲監製讚有突破，她笑言：「自己睇番都覺得恐怖！初時都唔太滿意，幸得兩位男主角教路。」她透露與二人有不少對手戲，更會與陳展鵬大打出手，令對方「縮沙」：「佢話估唔到我咁瘦弱，打起上嚟咁大力，叫我同替身打算！（咁打得？）武指教咗我好多秘訣。」
而林夏薇在劇中飾演警察隨嘉穎查案，她笑言要學對方擺「chok樣」：「一直都想試演警察，試下揸槍嘅感覺，自己私下買咗支假槍練擺pose。（同嘉穎合作順利？）之前覺得佢好cool，但其實佢好nice、拍劇經驗好豐富，仲好肯教人。」
