高海寧戀俠盜有火花
高海寧（高Ling）在劇中飾演富家女，與劫富濟貧的俠盜洪永城（Tony）不經意間邂逅而互生好感，二人因Tony的身份而爭吵，令感情離離合合。問與Tony合作如何？高Ling笑言：「佢好似成日都搞笑，但事實上佢係一個好認真嘅演員。（監製讚有火花？）可能大家比較新，會花時間對戲，所以配合得好好。」
談到新劇演出，高Ling笑言：「今次角色好好玩，我係個好鍾意偵探題材嘅女仔，但可惜冇查案嘅頭腦。」她又指再與楊怡拍檔，演出沒有壓力：「之前《法網狙擊》大家演師徒，佢一直帶住我演戲。今次同演偵探嘅阿怡係Best Friend，仲會做雞仔媒人撮合佢同嘉穎。佢仲會接晒我啲『甩轆』戲。」