周麗淇壓力大 考慮秘婚
藝人周麗淇（Niki）昨日出席太子珠寶鐘錶主席鄧鉅明與太太鄧宣宏雁旗下的Just Gold鎮金店新店開幕，鄧鉅明表示首次在旺角開設分店，坦言新挑戰。而Niki表示農曆新年後首日開工，問她可有選定龍鳳鈪，她說：「係人哋媽咪揀，（收咗未？）我媽都有問，佢話家姐結婚時已經買定畀我。好多人都問我幾時派利是，面對公眾講結婚真係好大壓力，私底下做完晒先話畀大家知。（秘婚？）我會選擇咁做。（冇得擺酒？）可以補擺。」
記者追問她是否已婚時，她即緊張回答：「冇冇冇！結咗會同大家講。（求咗婚未？）未，依家工作量好大，未咁快。（做唔到羊年新娘？）應該唔會，除非有特別意外。（同你求婚即答應？）唔會，我同佢都唔多驚喜，太驚喜唔知點應付，（台上求婚？）千祈唔好，我會走！」
另外，她在微博祝賀胞姊周汶錡懷孕五個月，寫道：「很高興家裏又添一位新成員，我當姨姨了。」