周汶錡火辣報喜佗B五個月

名模周汶錡（Kathy）與丈夫Julien Lepeu婚後不久即有計劃生小孩，奈何一直未有喜訊傳出。昨日她透過官方發電郵兼在社交網絡正式宣布懷有身孕：「Our family is expanding and so is our love .We're expecting our first little baby summer of 2015 ! （愛，讓我們溫馨的家增添一位小天使，衷心期待2015的夏季）。」更展示出身穿紅色比堅尼的懷孕照。其實本報於去年12月已拍到Kathy購買BB用品，不過她當時否認是買給自己的BB，大抵是怕腹中BB小器。

比較喜歡女仔

目前正身在法國的Kathy3月頭返港，昨日她透過電話訪問表示：「未知仔定女，仔女都冇所謂，雖然比較喜歡女仔。（邊度製造？）香港，好開心，冇壓力，BB好乖，佗得好舒服，四個月出活動都冇乜唔同。（重咗幾多？）冇特別磅，六、七個月先增磅，老公屋企人好開心，第一個有中國血統嘅孫。（適應咗做媽咪未？有冇嘔？）冇，為咗BB健康，我已冇飲酒，冇食生冷嘢。（有冇着高踭鞋？）有需要時會着，唔會日日，但會小心啲。」

周汶錡曾於去年12月被本報拍到購買BB用品。（資料圖片）

周汶錡目前正與老公Julien身在法國，並表示目前沒有不適。

伍詠薇估中咗

好友伍詠薇昨日接受電話訪問時表示很戥她高興：「好朋友有喜當然開心，我都心中有數，因為佢呢兩個月已經無出沒，我都知咩事，真係畀我估中咗，我唔係馬後炮。」名模琦琦、陳嘉容均表示戥Kathy開心。

伍詠薇表示早已猜測Kathy有喜，並戥好友開心。（資料圖片）

周汶錡透露其「小天使」於夏天出世。

文：名人組