王宗堯做阿四陪兩女開餐
近來人氣急升的王宗堯，前日傍晚6時多相約兩名靚女藝人關宛珊及陳雅麗於中環飲咖啡傾偈，同行還有另一名靚仔，一行四人不時細聲講大聲笑，而王宗堯更是風度十足，不時起身為各人做阿四，攞完飲品再攞餐具，總之粗重工夫一手包辦，期間除下外套後更被發現和陳雅麗齊齊以間條衫示人，大有情侶feel。
老闆預支利是
王宗堯昨日出席活動，被問到為兩位靚女做阿四，他表示：「大家識咗好多年，趁新年聚吓啫，（有機會發展？）做嘢就有機會，其他就無啦！佢哋兩個都有男朋友。」他直言新年去了泰國曬太陽避年，回港始和家人吃飯兼派利是，問到今年利是有否加碼？王宗堯說：「梗係啦！屋企人大封啲，老闆（蕭定一）好好，去旅行同派利是都預支畀我，（鬆手？）鬆呀，佢想身邊嘅人過肥年。（老闆有意找袁嘉敏拍三級片？）我都係睇新聞咋。」
唔抗拒袁嘉敏
至於講到袁嘉敏「惹火」，不時辣着火頭，他笑說：「咁我要小心啲答，佢好識做出自己形象，同佢合作都唔反對，希望佢唔好得罪人啦，自己都會小心言行。」
文、攝：追蹤組