劉俐學整煎堆擴飲食版圖

藝人劉俐（Kibby）去年與友人合資做生意，升呢為點心舖老闆娘，為了自我增值做個稱職事頭婆，Kibby把心一橫跟師傅學整點心，新年流流更動手做煎堆，取其好意頭「煎堆碌碌金銀滿屋」！她自言目標是成為入得廚房出得廳堂的好女人：「之前有3、4年係自己一個人住，都會蒸魚、炒小菜，煮家常便飯，依家學做點心增加一技之長，開頭整真係好論盡，不過今次有練過，過程順利好多。」
劉俐（Kibby）
劉俐（Kibby）

野心勃勃的Kibby計劃擴大自己的投資版圖，寄望羊年瓣瓣掂：「希望開多幾間分店，亦想開糖水舖，中式西式都得，因為我好鍾意食嘢，落自己舖頭食番餐，又唔使屋企人煮飯。雖然依家糖水舖成行成市，不過有競爭力先有進步。」

劉俐升呢為點心舖老闆娘後，自我增值學整煎堆，現心郁郁開糖水舖。
  • 劉俐升呢為點心舖老闆娘後，自我增值學整煎堆，現心郁郁開糖水舖。