千語想演文藝片唔介意扮醜
「林峯女友」吳千語與師妹徐靖雯（Jenny）首次合作賀歲片《浮華宴》，惺惺相惜。問兩女有否趁農曆新年拜神求姻緣？現時單身的Jenny透露每年也會求姻緣，千語聞言即說：「不如試下今年唔好求，可能緣分就會到！」千語認為姻緣不能強求：「我唯一想求嘅係身體健康，2015年開始已經病咗兩、三次，要有健康嘅身體先可以應付工作。」
踏入羊年，兩女都視事業為大前提，望新一年有更多不同的演戲機會，千語說：「我想拍真人真事改編嘅故事，西片冇咁商業化，文藝啲。（演醜角？）冇所謂，其實扮醜唔難，起身唔梳頭唔化妝已經好醜。」
場地：Tiffany Flower