王菀之雞出位爭最佳新演員

藝人王菀之（Ivana）昨日出席「第九屆亞洲電影大獎」記招，宣布憑電影《金雞SSS》入圍「最佳新演員」提名，繼早前在「第卅四屆香港電影金像獎」中獲五個提名後再下一城。

諗住抄感謝詞

Ivana感激支持她的單位：「好欣慰，係一個好大嘅恩典和祝福。會否拎獎真係唔知，但有提名已感恩。多謝從影以來合作過嘅導演同演員，去年我先入影壇學嘢，希望繼續嘗試唔同嘅角色。」

日前奧斯卡頒獎禮舉行，Ivana被得獎者上台致詞所感動，笑言「抄低」望可大派用場：「不過相信到時都係會唔記得，如果冇機會上台，就靠互聯網平台再補講。」

Ivana又說近期接到的劇本多以喜劇路線為主，但她希望有更多不同路線可發揮。問到是否轉走性感路線？她笑說：「之前演出已經好性感，底線『底』到冇得再『底』！反而希望有機會接拍張婉婷嘅文藝片。」

張婉婷大讚掂

身為評審主席的導演張婉婷在場大讚Ivana的演出說：「估唔到佢做雞都做得咁神似，真係搶晒鏡。雞之中佢最搶，獲提名實至名歸。（佢話想同你合作。）我會諗o架嘞，佢第一次做戲就做得咁好，國語又咁好，估唔到做到咁巴辣嘅雞，佢可塑性高，好鄰家女孩感覺。」頒獎禮將於3月25日舉行，郭富城會為頒獎禮出任評審。

亞洲電影大獎（部分入圍名單）

最佳電影

《白日焰火》（中國大陸）

《推拿》（中國大陸）

《海德爾》（印度）

《自由之丘》（南韓）

《半世紀的諾言》（南韓）

《只在那裡發光》（日本）

最佳導演

婁燁（中國大陸） 《推拿》

塚本晉也（日本） 《野火》

Lav DIAZ（菲律賓） 《驕陽逼近》

Vishal BHARDWAJ（印度） 《海德爾》

洪尚秀（南韓） 《自由之丘》

許鞍華（香港／中國大陸） 《黃金時代》

最佳男主角

廖凡（中國大陸） 《白日焰火》

加瀨亮（南韓） 《自由之丘》

劉青雲（香港／中國大陸） 《竊聽風雲3》

阮經天（台灣） 《軍中樂園》

崔岷植（南韓） 《鳴梁海戰》

佐藤健（日本） 《浪客劍心：傳說落幕篇》

最佳女主角

裴斗娜（南韓） 《道熙呀》

鞏俐（中國大陸） 《歸來》

趙薇（香港／中國大陸） 《親愛的》

Kalki KOECHLIN（印度） 《Margarita,With A Straw》

宮澤理惠（日本） 《紙月》

湯唯（香港／中國大陸） 《黃金時代》

最佳男配角

趙鎮雄（南韓） 《黑仔型警》

秦昊（中國大陸） 《推拿》

陳建斌（台灣） 《軍中樂園》

王志文（香港／中國大陸） 《黃金時代》

伊藤英明（日本） 《戀上春樹》

最佳女配角

漢藝利（南韓） 《怒海沉淪》

Tabassum HASHMI（印度） 《海德爾》

萬茜（台灣） 《軍中樂園》

池脇千鶴（日本） 《只在那裡發光》

黑木華（日本） 《東京小屋》

最佳新演員

都敬秀（南韓） 《逆權師奶》

張慧雯（中國大陸） 《歸來》

王菀之（香港） 《金雞SSS》

登坂廣臣（日本） 《熱血之路》

詹懷雲（台灣） 《行動代號：孫中山》

文：影視組