唐詩詠怨洪永城唔拜年

熱播劇集《四個女仔三個Bar》的一眾演員包括唐詩詠、姚子羚、陳凱琳（Grace）、陳瀅、張繼聰等昨日人日為劇集宣傳，向街坊派紅雞蛋應節，引來大量市民圍觀，一度塞爆天橋非常熱鬧。

兩人已「有路」

早前洪永城（Tony）向唐詩詠公開示愛，揚言全力追求，惟詩詠昨日大爆Tony在新春期間竟然沒向其家人拜年，語帶埋怨：「你睇吓佢幾唔識做！一啲都唔努力。」但問到她與Tony的關係時，她就說：「仲有一條好遙遠嘅路。（即係有路？）我知我一定嫁得出。」似乎有弦外之音。

洪永城	姚子羚一身黑白Look出現。

前日本報拍得詩詠現身古天樂（古仔）所開的食肆一事，她解釋與古仔拍攝電影《逃出生天3D》時認識，亦早聞得該食肆的美食，問她有興趣搞生意？她說：「都想，今次當係取經，我自己又鍾意食嘢，如果你話有間餐廳啲嘢又好食，又係自己嘅就真係不得了。（同洪永城夾份？）我仲有好多朋友o架！」

陳凱琳（左）與陳瀅整古做怪，張繼聰在背後眉頭皺。	「四個女仔」人日齊齊派紅雞蛋。	《四個女仔三個Bar》一眾演員塞爆行人天橋。

陳凱琳金毛look

Grace昨日以金髮look出現，與一向乖乖女形象截然不同，原來是為了配合新劇《殭》的造型，她說：「我都可能會變殭屍，不過個個劇本仲度緊，佢哋依家都要戴color con，但係我見到個con好大，佢哋話我眼大冇問題，我唔信囉！」

文：影視組