Chilam爆老婆冧「情敵」

藝人張智霖（Chilam）、吳鎮宇等昨晚盛裝現身《衝上雲霄》電影版的慶功宴。期間Chilam大爆太太袁詠儀欣賞戲中的「情敵」郭采潔：「佢鍾意郭采潔，係個好專業嘅觀眾！（播親熱鏡頭幫老婆遮眼？）冇喎，（問你邊個好咀啲？）我哋唔講呢啲，係用藝術角度睇。」談到電影票房衝破二千萬，Chilam即讚好：「好嘢喎！（睇其他對手作品？）會睇，支持港產片。」對於電影被指似以三個MV拼湊而成，Chilam直言每人有不同睇法。同場鎮宇則出言力撐：「要問番導演，但我就鍾意自己嗰part，夠搞笑！」