近日忙於宣傳賀歲片《衝上雲霄》的吳鎮宇，踏入羊年可小休數天，陪太太與囝囝Feynman返新加坡度歲，Feynman對此行很期待，皆因已習慣新年與表兄弟姊妹玩。談到當地新年習俗，鎮宇笑指「乜都冇」：「好多舖頭都閂門，乜都冇o架。不過我又唔介意，可以趁呢段時間思考人生。」
在圈中人緣不錯的鎮宇表示，最期待年初七，他笑謂：「嗰日人日，人人都生日，我每年都會同啲圈外、圈中朋友吃喝玩樂一次，邊個得閒就邊個嚟囉。」談到囝囝早前的眼傷，鎮宇透露傷口已沒大礙，現時只剩下少少疤痕。
