Chilam打造蠟像 魔肌誘女

Chilam獲邀製作蠟像，並將進駐上海杜莎夫人蠟像館，去年底英國有工作人員來港為他度身，由於要量度全身超過250個數據，過程長達3、4小時。Chilam昨接受電話訪問談到度身時笑說：「佢哋好認真，搵間房幫我量度都要顧埋色溫，驚造出嚟有偏差。一開始我要除淨條貼身單車褲，等同冇衫着，而工作人員係全女班，我又唔覺好尷尬，好彩嗰排身形都OK，如果唔係就出事。」

蠟像暫定約4月於上海揭幕，Chilam屆時會主持相關儀式。度身當天，他更用英文向囝囝魔童寫道：「Morton, whenever you thinking of me, come here!（當你記起我時，請到上海參觀蠟像）」蠟像館方面又為Chilam打造手印，日後將送予他作紀念。

捐出機師服

由於「Cool魔」形象深入民心，有關方面希望Chilam的蠟像披上機師服，Chilam亦捐出珍藏機師服，他說：「今次造蠟像，講緊係幾百萬，即係好重視你，當然好榮幸。佢哋仲想喺蠟像竣工前叫我去英國一趟，睇吓有咩要改善，如果時間配合，我一定會去睇吓先。」

另外，Chilam主演的《衝上雲霄》電影版，截至初二累積本港票房已逾千萬，而春節單日票房，初二比初一高40萬，入場人次刷新歷史單日紀錄。

文﹕影視組