昆凌睇騷緊要過生仔

昆凌以抽象豹紋短褸配迷你裙，既時髦又貴氣。

昆凌、韓國女團少女時代成員秀英、憑《衛子夫》為港人所熟悉的大陸女星王珞丹、大陸男星陳學冬、台灣女星郭碧婷、中國超模秦舒培等於周四出席紐約時裝周中Coach 2015秋冬騷。婚後首次現身的昆凌壓軸出場，穿上近四萬港元的服飾的她，被安排坐第一排看騷，品牌創意總監Stuart Vevers親自款待，兩人還傾得十分投契。

未慣「周太」稱號

昆凌透露首次到紐約觀賞時裝周，問到為何婚後急急工作？她說：「因為好期待，喜歡工作，所以要立即參加。（咁趕唔生BB？）沒有，時裝比較重要。」昆凌又謂還未習慣被叫「周太」，而婚後首個情人節亦在紐約度過，被問到老公會否飛來陪伴？她說：「唔一定。（買乜禮物畀佢？）未諗，呢個星期睇吓有乜嘢買。」

秀英短裙騷長腿，吸睛度十足。

秦舒培（左起）、昆凌、陳學冬、郭碧婷齊齊坐第一排睇騷。

王珞丹識做送國寶

而王珞丹十分識做，專程在中國帶了一對特色熊貓擺設送給創意總監，她表示逗留數天，問到情人節如何過？她說：「情人節在飛機上過。（唔使同男朋友過？）要工作，好彩活動喺新年前舉行，唔使耽誤過年，中國人過年同家人過好重要。（離開前逛逛？）提早咗兩日到，但有小感冒，休息了一日，會有半日時間去行街。」另外，秀英一早到場，表明不受訪，但大方讓記者拍照。

王珞丹預備一對熊貓擺設送贈品牌創意總監Stuart Vevers。

熊貓擺設。