巨肌黃集鋒拒富婆包養

藝人黃集鋒日前被拍得一日之內三度大騷「爆肌」身材，分別是在街上跟朋友傾偈、shopping試衫及做運動流汗除衫，大晒44吋巨胸及八舊腹肌，fit爆身形表露無遺。約滿亞視的黃集鋒前途一片光明，憑着健碩外形、積極性格，很快便簽了新經理人公司「拾星堂」，與趙碩之成為同門，待遇比在亞視時好得多，底薪起碼有五位數字，他未開工公司已借五位數字給他，跟拖糧的亞視相比，待遇可謂天與地！

遭陌生男鹹豬手

黃集鋒日前接受《好報》訪問時大談「窮到燶」的日子，直認曾在酒會被富婆出價三百萬元撩「包養」：「闊太嘅男秘書叫我跟闊太去杜拜一年，酬金三百萬元，仲暗示有『不道德交易』，我當然拒絕。」此外，他往焗桑拿期間，又試過遭陌生男子鹹豬手：「嗰日得我同一個男人喺度焗桑拿，佢問我點樣練到啲肌肉咁實淨，跟住突然搣我人魚線，我即刻反面發火，叫佢唔好手多多！」最終他沒有追究，但火速閃人。

另外，前晚黃集鋒偕趙碩之出席電影首映禮，期間他提及有關亞視「一人一萬救亞視」，他認為並不實在：「救得幾多？你唔單止唔畀錢人哋，仲要人哋攞錢出嚟，冇呢回事。」

文：影視組