陳可辛抄橋 君如喊住收12卡巨鑽

昨晚吳君如率電影《12金鴨》一眾演員劉浩龍、黃秋生、陳靜（DaDa）、薛凱琪、周秀娜、王菀之等出席尖沙咀首映禮，DaDa賣大包中門大開，性感冠絕全場，連君如台上玩自拍時，也作狀想抽水摸胸。

情人節禮物

全晚戲肉卻是君如老公陳可辛（Peter）神秘現身，親自操縱航拍飛行器送上神秘驚喜，雖然Peter操縱飛行器降落期間險象環生，當君如見航拍飛行器無法降落，遂主動伸手扯下吊着的巨型道具鑽石，Peter卻說：「你睇埋裏面先啦！」赫然發現內藏一枚巨型12卡鑽戒，君如即流下眼淚說：「好感動，好驚喜，我有啲想喊，呢隻係咪真o架？」Peter笑言：「呢份情人節禮物貴過你套戲可以賺到嗰份呀！」君如急不及待自行戴上鑽戒，又以錫錫回敬老公厚禮，場面溫馨又搞笑！

汪峰向章子怡求婚一幕	君如扯下吊着的巨型道具鑽石，並急不及待戴上巨鑽。	放大圖片

孖煙囪升旗

而昨午君如率領DaDa及林兆霞（Brenda）等到維園年宵攤位宣傳新片，一眾演員以電影人物卡通造型設計而成的孖煙囪「內衣外穿」，又語帶相關進行「升旗」儀式，君如父親夏春秋亦有撐場。君如說要力捧DaDa做女神及捧Brenda上位做她的接班人。

陳靜中門大開十分搶鏡！

一眾演員昨日在維園着孖煙囱谷戲。

DaDa透露情人節會同朋友過，因上海男已好少聯絡，分隔二地根本未開始過：「我唔抗拒身邊追求者，但暫時未有人令我心動。」戲中叫鴨的她渴望像君如般大犧牲，也想做鴨：「好難做，特技要求高，我想挑戰吓！今次只係叫一隻鴨（劉浩龍飾）唔夠喉。（想叫埋古天樂？）佢真係好fit呀！」

文：影視組