影帝發哥拜師學沖曬

神級影帝周潤發在演藝界成就毋庸置疑，他也經常與後輩分享人生閱歷，成為大眾偶像，然而發哥仍抱終身學習的態度，更甘願化身「學生哥」搵老師指點，早前他到北京宣傳新片《賭城風雲II》，便抽空到攝影老師梁藝位於六環的郊區寓所，並與梁老師及好友鄭振耀到冰湖拍攝，全程發哥與老師討論如何令作品盡善盡美，非常虛心。

「唔識嘅嘢就要學」

發哥接受《東網》專訪時對梁老師讚不絕口，故不介意放下身段學藝：「有次去北京，朋友介紹梁師傅畀我識，佢教我點玩，咁就『導』咗我入局喇！我上開去會留多兩日搵佢，有時喺香港都會寄功課畀佢過目。（欣賞梁師傅啲咩？）佢好聰明，好多竅門都不保留講我聽。」

為何貴為巨星仍以學生身份學習？發哥說：「唔識嘅嘢就要學，唔只攝影，演戲演每一個角色都係學習，好多角色平時係唔會做，仲有學打、學拎劍、學講普通話。」

梁老師亦對發哥的攝影及人品評價甚高，他說：「佢好醒目，經常喺外地引進新構想新技術，對中國、香港嘅攝影發展貢獻好大。」

近年發哥致力推廣鉑金曬相技術，並為《東網》觀眾親身示範，見他每個步驟都很熟練，最終沖曬了一張雪景黑白相，層次分明張力十足！

為一剎那攀山涉水

對於現今資訊發達，相片過目即忘，但發哥堅持為捕捉一幅美麗畫面，上山涉水抵冷取景，拍照後又一腳踢完成曬相所有步驟。發哥認為攝影是一門修心及富滿足感的學問：「攝影要深思熟慮，你本身有個構思，影完後仲可靠黑房技術有第二創作，好得意好多變化，科技係好方便，唔鍾意就Delete，對影像唔珍惜，咁唔好玩囉！」