吳業坤遊日捕獲學生妹

參加無綫歌唱比賽「超級巨聲2」勇闖樂壇的吳業坤（坤哥），近月孖實星夢娛樂女新人譚嘉儀主持音樂節目，人氣急升的坤哥早前特別向公司請五日假，與音樂人朋友飛到大阪旅行。由於時間有限，首次到當地的坤哥每朝晨早起身出外觀光及濕平，幸好朋友認識一名當地女友人，對方亦免費做他們的導遊。

冇膽抄牌

坤哥參觀寺廟時巧遇數位和服少女，即主動上前用日文打招呼，並問對方可否影合照，坤哥說：「都鼓起勇氣o架。（又同女學生合照喎？）係，見佢哋坐喺度好寫意，咪開口問佢哋囉。」問到有否即時向眾女「抄牌」？怕醜仔坤哥說：「唔夠膽。（但你好開心？）唔好咁講，日後有機會都會再嚟。」

在寺廟觀光的坤哥不忘捕獲和服少女。	見到學生妹，坤哥主動上前捕獲，但緊張到硬晒軚！	坤哥（右一）孖住譚嘉儀主持音樂節目。

專程偷師

坤哥透露為事業及感情求到一支籤，他說：「話我工作都唔錯，不過要等吓，其實同依家情況差唔多。（感情呢？）都係咁啦，依家以工作為先，我愛我自己。」去年在港與友人合資開設拉麵店的坤哥亦有品嘗當地拉麵，他笑說：「去試吓味同偷師。」隨即大讚自己的拉麵店較好食。

文：音樂組