李思欣賣菜押後生B

藝人李思欣與范振鋒（Ricky）於2011年結婚後，兩人都愈來愈旺工作不斷，經常獲邀以夫妻檔出騷，思欣亦有參與飲食及鑽石生意，最近更代言水耕菜兼成為股東之一，瓣數多多財源滾滾！

臨近新春佳節，思欣帶讀者參觀其位於粉嶺的水耕菜農莊，並力Sell其蔬菜健康又鮮甜，因新年時節難免大魚大肉，亦會吃很多煎炸食物，她提醒大家要多吃蔬菜幫助消化。拍照時，思欣拿起桃花望催旺人緣，又搞笑地拎着小獅頭咬菜扮採青，祝願大家豐衣足食，身體健康！

李思欣持桃花望催旺人緣，望生意及演藝事業愈做愈好。	新年將至，李思欣直言生羊ＢＢ機會較低，現時先專注事業。	兩夫妻成功踩入商界，范振鋒於去年開食店，獲老婆李思欣性感撐場。

預告利是加碼

收入增多的思欣直言今年派利是會加碼，預備五位數字金額：「做生意多咗，識嘅人亦愈來愈多，而且嗰排會排舞台劇《嬉春酒店》，有好多派利是機會，派利是係開心嘅，可以同大家分享喜悅！而初三我就會同老公去登台，希望逗番多啲利是啦！（新年有咩傳統習俗會做？）好多！例如年廿八洗邋遢，年初一唔洗頭，同埋我會買好多花同裝飾布置，令屋企好有氣氛，我仲會幫自己同老公買一批新嘅內衣褲！」

恨拍戲做主持

問到羊年大計，思欣表示想兼顧做生意及演藝發展：「上年有好多意外收穫，有搞幾樣生意嘅機會，羊年希望演舞台劇、拍電影、做主持同出埠登台！」工作繁忙，思欣直言要將生兒育女的計劃押後：「生羊BB嘅機會比較低喇！之前話結婚三年就生，唔經唔覺都三年，但我同Ricky仲係搏殺期，所以可能要遲多一、兩年喇！家人都冇催。」

文：立影　

攝：司徒國榮