林欣彤放風等仔約
歌星林欣彤、鍾舒漫、羅力威與藝員汪明荃、薛家燕、蕭正楠、湯盈盈、魔術師甄澤權等前晚在將軍澳電視城錄影賀年節目《保良金羊慶新春》，林欣彤受訪時被問到傳翻撻的初戀男友在情人節可有約會她？林欣彤說：「我冇男朋友，情人節要工作，佢都冇同我度期，歡迎大家約我。」林欣彤沒有準備買情人節禮物，但會整狗餅送給愛犬慶祝情人節。
薛家燕催盈盈生B
薛家燕則催促湯盈盈在羊年生B，她亦爽快答應。另魔術師甄澤權帶領麥長青、蕭正楠、滕麗名表演賀年魔術，他又表示除了魔術也有興趣拍劇，但就不希望扮演魔術師角色。而喉嚨發炎的阿姐則失聲透露新年要去新加坡登台。
另堪輿家麥玲玲被問到亞視前景？她說：「好困難，上年、今年對傳統媒體都係困局，亞視執笠嘅勢好強。」問到對梁齊昕入行睇法﹖她說：「最驚佢情緒波動，要控制得好啲，睇佢有時有啲飄忽，做娛樂圈一係就要好聰明，一係就要好靚女。」
文：影視組