黃美棋水都畀仔撩
「宅男女神」黃美棋早前到意大利工作，見識異國風情之餘，也少不了異地艷遇，不過性格慢熱的美棋，只好拒人於千里之外。而美棋於拍攝期間拉傷頸項，要到當地醫院治療，也算是不一樣的觀光體驗。
黃美棋日前於意大利水都威尼斯拍攝旅遊節目，期間她更自爆屢有異國艷遇！她大爆於機艙內「畀仔撩」，她說：「坐隔籬嘅澳洲老外上機後不停撩我講嘢，又問我好多問題，但我唔太習慣同陌生人傾偈，所以扮瞓覺唔太睬佢。」
當黃美棋抵埗後，以「自拍神棍」拍照，即吸引靚仔快閃黨埋身：「舉機後突然有班男仔亂入鏡，咪一齊合照囉！」問她有否向緋聞男友鍾健威報告？她稱無懼對方呷醋：「同佢係朋友，唔使交代咁多嘅。」
入院雞同鴨講
雖然艷遇處處，但美棋卻「樂極生悲」，於拍攝首日即拉傷頸部：「我喺樓梯畀水跣倒，仲拉親頸嘅肌肉！入到醫院對護士講一大輪，連翻譯軟件都用埋。之後醫生問我用唔用頸箍，最後我拒絕咗！」她笑言花費近千元醫藥費到醫院「觀光」，大讚該醫院甚有特色：「間醫院靚到博物館咁！」
文：影視組