張家輝：嗰個階段過咗

影帝張家輝近年在「賭壇」絕迹，今次再獲王晶邀請在賀歲片《賭城風雲II》中飾足智多謀會計師，但他受訪時就直言拒絕再演「化骨龍」式幽默：「除非化骨龍有一個我意想不到嘅設計，或者佢轉變到我意想唔到咁有趣、突圍，先會考慮。（唔鍾意？）嗰個階段過咗，好似你唔會玩細個嗰時啲玩具，可能你會留念，但唔會再投入。」他直認自小討厭賭錢，「化骨龍」的出現是命運的安排。

自加手巾仔作道具

家輝坦言今次在《賭》片拍得輕鬆又豪華，自己的角色亦非常新鮮，他謂：「好意外晶哥（王晶）咁設計畀我，好斯文，又唔使打。最初奚仲文幫我整呢個造型，我都認唔到自己。」此外，家輝藉其三件頭的西裝造型，加上泰國炎熱的天氣，應運而生加插手巾仔作道具使演出能更自然流暢。

張家輝食朱古力食到論論盡盡，要發哥幫他抹嘴。	之前曾多次飾演「賭仔」的家輝，原來私下不愛賭錢。	家輝坦言今次在《賭城風雲II》中拍得輕鬆又豪華。

讚發哥能感染團隊

在《賭》片首次與周潤發（發哥）合作，家輝大讚發哥為人隨和，能感染團隊，發嫂更不時帶食物給他們。今次他扮演發哥經典的《賭神》高進造型，配以轉戒指的招牌動作，逗得發哥笑說：「今次同『張七帝』合演好好玩，玩起來輕鬆熱鬧，好耐冇睇過家輝演呢類搞笑戲，佢扮賭神食朱古力一幕笑爆肚皮。」

文：影視組

髮型：Jeff Wu

化妝：Midco Chu

場地：E-Max