鄧紫棋（G.E.M.）早前與馮允謙（Jay）到嘉年華狂歡而鬧緋聞，Jay昨日出席情人節活動時透露將回加拿大過節，問G.E.M.可會同行？他說：「知佢要去北京開concert，未必得閒。（正式公開戀情？）係朋友，一班朋友都喺教會識。」
雖然例牌否認戀情，但Jay開腔維護被指囂爆的G.E.M.：「我覺得佢幾好人，好多新聞話佢唔係咁好，但我認識嘅佢係好人，唔高竇、唔寸呀。」他又自爆曾上G.E.M.香閨試菜：「我試過佢手勢，好味，一班朋友上過佢屋企食過。」有指G.E.M.借他過橋向林宥嘉反擊？Jay說：「我認識嘅佢唔係咁嘅人。」
