劉浩龍簽太陽娛樂進軍紅館

劉浩龍（師兄）昨日簽約加盟太陽娛樂文化舉行記者會，好友陳奕迅、謝霆鋒、許志安紛紛拍片祝賀，雖然女友容祖兒未有拍片，但分別於微博及instagram留言為男友打氣。而師兄以至愛的綠色西裝造型現身，揸弗人黃柏高（Paco）在台上揚言要幫師兄在紅館開騷，令師兄大感驚喜。
劉浩龍以醒目綠色西裝出席簽約儀式。
劉浩龍以醒目綠色西裝出席簽約儀式。

被問到有傳加盟費達300萬，師兄坦言：「冇講錢呢啲，最緊要有好歌，今年會做四、五首歌亦會拍戲。」講到簽太陽娛樂有指是祖兒一手拉攏，師兄謂：「當然唔係，係有次Paco喺我間日本餐廳做訪問，佢主動話有興趣同我合作，我哋傾咗9個月終成事。」問到情人節如何慶祝？他說：「日日都好忙，忙就係送畀佢最好嘅禮物。」

劉浩龍（右）簽約Paco揸弗的太陽娛樂文化。
  • 劉浩龍（右）簽約Paco揸弗的太陽娛樂文化。