秋生撐有台型

黃秋生：「唔知佢拍戲，拍戲冇話適唔適合，人人都可以演戲，講外觀條件，佢都幾好呀！不過嗰間電影公司點樣搵到佢？點樣說服佢拍戲？佢父母又知唔知呢？」

劉嘉玲：「吓！真係o架？咁好嘅新聞？好事吖。每個人都需要勇敢去做自己，唔好因為自己係邊個嘅後代而畀咗個符號佢，要做自己喜歡做嘅事，每個人都有呢個權利，只要唔係害人就可以。（會否擔心齊昕壓力大？）世界咩都有可能，總統都可以做演員啦，唔好框住自己，生命充滿無限嘅可能。」

張家輝：「電影圈好Open，自己拍嘅鬼片都有用新人，有啱嘅角色都可以。（晶哥話佢普通！）我個樣都普通啦！」

杜汶澤被問及此事以短訊回覆謂：「關於這個人，我沒有睇法！」

徐濠縈驚訝地說：「係咩？恭喜佢有戲拍，最重要做到自己鍾意嘅嘢。（你會唔會睇？）我好少入戲院，鍾意睇書同聽歌多啲。」

杜如風說：「特首個囡做女主角，我都會好奇想睇，第一部戲就做女主角，演技梗係有番咁上下。（覺唔覺佢係名氣而有機會拍戲？）我唔知佢做戲得唔得，可能佢本身做戲好好，咁就冇得講。」