自拍秘技手定高炒企中間
發哥自拍多過我們食飯，而且每次他都會主動揸機，由發哥親解自拍必靚招數絕對是信心保證！秘訣是：手定、高炒、企中間！肥面人就更加要注意喇！
「我堅持自己揸機，死喺自己手上好過死喺人哋手上吖嘛！」發哥說：「我自己知道咩角度好睇啲！其實影親都係我蝕底嘅，啲wide angle呢，企喺邊位一定肥嘅！同我影親喺我身邊小鳥依人嗰啲妹妹仔一定靚，尤其企中間嗰啲一定好靚，我永遠係前面最遠嗰個、最肥嗰個，所以同我影親相嘅，最好睇嘅唔係周潤發，最好睇係佢哋，最靚係佢哋。（自拍有咩秘訣？）手定咪得囉！盡量肥肥哋嘅就擠喺中間，唔好擠喺側邊，否則就肥上加肥，哈哈哈！」