唐詩詠認進度良好：啲湯燉吓好

唐詩詠、何傲兒與何傲芝兩姊妹昨日出席新都城中心舉行的情人節活動，被洪永城力追的詩詠一臉風騷，還與送花給她的小朋友拖手兼咀嘴，對於洪永城公開表示會於情人節約會她，詩詠稱已收到對方的邀約短訊，問兩人是否已在蜜運中？詩詠尷尬謂：「咁佢係一個幾好嘅選擇，以後唔知，睇吓啦！抱住樂觀心態。（係咪要等埋有冇其他男仔約先揀？）佢講到咁，都唔會有選擇會嚟啦。（買禮物畀佢？）唔會，冇準備。（朱古力呢？）咁快，你哋對佢咁好，叫佢買盒畀自己食啦！」

「呢個年紀睇長遠」

詩詠坦言公司未有就其感情事給予壓力，更謂：「啲湯燉吓好，如果滾湯就唔好搵我，依家呢個年紀睇長遠，（你哋係咪日日有溝通？）唔話你知，總知係良好進度，2015年要事業愛情都勇敢啲！」詩詠指未有想對方會送她甚麼情人節禮物，問到是否想有人為她下廚？她笑謂：「如果有人為我煮梗係想，（漫步沙灘？）留畀黃翠如啦！」

洪永城	（左起）何傲芝、何傲兒與唐詩詠昨日各以性感一面出席活動。

傲芝傲兒唔認拍拖

而傲兒與家姐傲芝則仍否認有男友，更指情人節將與家人度過，傲芝謂：「我會準備禮物畀妹妹，食得又用得。（唔同男友過？）冇乜所謂，同好朋友、家人過已經好開心，唔諗呢啲住，做好啲嘢先，大師話我上年麻麻地，所以期待今年，聽講生肖屬鼠係首富，所以要努力啲，（做乜唔認拍拖？）未有呢件事，有機會公開都冇問題，要搵個照顧自己過人世嘅人需要時間！」

文：影視組