林志美女神灑淚 Sing火燎原
林志美前晚於香港演藝學院舉行《Timeless Samantha's Live 林志美音樂會2015》，獲作詞人黃偉文、小美及一眾朋友撐場。志美先以白色閃閃造型登場，並唱了幾首慢歌。之後工作人員幫志美脫掉外套，令她可展示白色希臘女神長裙，她全晚唱了多首經典金曲，更一口氣演繹三首快歌。
睇好馮允謙
嘉賓方面，志美邀得年輕歌手馮允謙及組合C AllStar，她指自己最欣賞的新人是馮允謙。志美又與C AllStar合唱2015年最新版本《愛的火花》，還笑言：「唔想去換衫，好想同C AllStar一齊唱和音。」
安哥時志美幾度落淚，期間有感而發說：「每次上台都覺得唔知係咪最後一次，我心裏面有份熱情，有團不熄滅嘅火，但團火曾經有段時間熄咗，好多謝大家再次畀肯定我。」
似有追求者
完場受訪時，志美表示每次綵排都覺得唔夠喉，提到表演時有人送花，問送花的人是否追求者？她說：「唔係好睇得清楚係邊個。（喺台上又話識佢？）我講完都諗緊係咪識，但都係支持我嘅人。」談到情人節，志美透露會與朋友食飯，但不肯定送花男可會現身：「搞到人唔好啦，可能人哋有女友呢。」志美又表示如有機會都會考慮於紅館開騷。
文：音樂組