張智霖情浴戲：下面好狼狽

男星張智霖（Chilam）在電影《衝上雲霄》中再演「Cool魔」，與新加入的郭采潔共譜戀曲，二人雖然首度合作，但第一天拍攝就是情「浴」戲份！Chilam與采潔在英國豪宅內大拍浴缸纏綿戲，當時天寒地凍，但一拍就是8個小時，令二人凍得騰騰震！

Cool魔流淚

「Cool魔」Chilam曾與多位女星合作，但見埋位拍攝前郭采潔竟自隊香檳壯膽，令他也甘拜下風，Chilam笑說：「為咗令觀眾有全新感覺，我做咗啲功課，例如健身啦！其實埋位第一個鏡頭係畀Kika（采潔）勾引，第二個鏡頭就親熱，佢咁主動，老實講『Cool魔』有啲尷尬！」

鏡頭前，郭采潔躺在Chilam的42吋胸膛上，看似浪漫纏綿，但鏡頭外，竟是Chilam用腳頂住采潔下身，他自爆謂：「佢好似鐵達尼號咁一直向下沉，於是我用腳頂住，其實『上面好浪漫，下面好狼狽！』」

Cool魔情歸郭采潔，還甜蜜咀嘴。	張智霖穿機師服探望病榻中的女友，流下男兒淚。	張智霖和袁詠儀自拍短片賀結婚紀念。

情場浪子「Cool魔」在電影版中最終情歸采潔，可惜天意弄人，女友身染頑疾，當中一幕Chilam身穿機師服趕到醫院目送采潔做手術，二人深情對望5分鐘，令Chilam流下男兒淚：「腦裏就諗番由邂逅到拍拖嘅情節，眼淚就好自然咁流出嚟！」問到采潔能否吉人天相？Chilam說：「有『Cool魔』胸膛當枕頭，乜病都醫好啦！」

賀結婚紀念

此外，張智霖和太太袁詠儀（靚靚）昨日結婚周年紀念，除了一起慶祝外，又自拍了一段片，見片中兩人對着鏡頭流露幸福笑容，大晒恩愛。

文：影視組