吳若希爆Jay與G.E.M.堅熟

「太空天后」鄧紫棋（G.E.M.）最近與舊愛林宥嘉在網上互寸，被暗寸惡毒及愛炒冷飯的G.E.M.即發功晒出與巨聲幫「新歡」馮允謙（Jay）同遊嘉年華的合照，對於兩人傳出緋聞，昨日G.E.M.接受電話訪問時澄清：「只是一班朋友出去玩。」心情無損的她昨日又上載整格仔餅照片展示廚藝。
G.E.M.
  • G.E.M.
吳若希
吳若希

另外，Jay好友吳若希（Jinny）昨天出席新春活動時回應Jay與G.E.M.的戀情說：「我唔清楚，但見Jay成日都會一班人出去玩。（見到佢同G.E.M.出去玩？）唔係，係同許廷鏗、林欣彤嗰啲，佢哋巨聲幫同G.E.M.好熟，我見佢哋成日一齊玩，但我同Jay唔係好熟。（佢哋一齊食魚生飯兼網上傳情？）一齊食飯係正常社交，但人哋啲嘢唔理啦，我自己都未搞掂。」