古巨基醜Cake冧太太
歌手古巨基昨日現身尖沙咀出席新智能手機發布會，並獲贈價值近四十萬港元、機身鑲有九卡鑽石的手機，基仔會將手機送贈太太Lorraine。基仔透露太太早前生日，他親手整士多啤梨蛋糕冧太太：「係我第一次煮嘢食，全程有師傅教我，但攞到返屋企放入雪櫃後，第二日竟然成個外表斜咗，而且仲好硬，我哋見到都好驚嚇，雖然賣相差啲，但味道絕對一流，充滿內涵。」
農曆新年將至，基仔稱會留港度歲：「今年婚後第一次派利是，一定要喺香港，利是都預咗雙倍預算。」提到補擺喜酒，基仔說：「一定係今年，希望年尾前可以。」他直言雖在《我是歌手3》出局，但可令他們開始籌備，又稱老闆楊受成表示會全力支持。