湯加文為小動物茹素

新進藝人湯加文（Carmen）身形高挑瘦削，但食量卻大於常人。正當旁人都以為上天賦予一個食極唔肥的身軀時，她卻坦言：「梗係唔係啦（食極唔肥）！我最肥嘅時候試過130磅，好肥o架！」自稱怕肥的Carmen在咖啡廳未有對各種美食甜點有所防範，更盡情點選最愛食的焦糖薯片伴雪糕及冰雪綠茶拿鐵。被問到如何保持健美體態時，她笑說：「我都唔知o架，我對住啲朱古力、雪糕，就忍唔住，但我平時都會做運動嘅。不過減到咁多可能都係因為我前幾年開始食素啦，但我又唔係為咗減肥先食素，而係我真係好鍾意小動物，所以開始咗呢個習慣啦！」平日食素又真是清淡了點，難怪Carmen對甜品情有獨鍾。