鄭嘉穎Timing唔啱遭巨咪女閃飛
早前被影到於夜店攬「巨咪女」及承認蜜運中的鄭嘉穎，前晚拍外景接受訪問時自爆已被新歡速撇，自嘆名草「冇」主的他更大呻女方被圈內壓力嚇走，望對方能覓得圈外男友，更嘆謂：「只怪Timing唔啱啦！」
藝人鄭嘉穎和林子善前晚在石硤尾大牌檔拍攝無綫新劇《殭》外景。當中更有二人在飯枱前用筷子「格鬥」，互推雞頭予對方的場口，期間雞頭更飛出三尺之外，令始料不及的嘉穎立刻笑不合攏。而日前拍攝動作場面的子善，更打到不慎爆軚，非常瘀爆，他謂：「都話我唔係行有型路線啦！」而子善今次只客串數場，但被監製用到盡，需動作連場，嘉穎更笑他：「佢外面睇係隻獅子，內裏其實係貓仔！」
祝福尋圈外男友
早前嘉穎被《好報》拍得於夜店攬啜「巨咪女」，劇中有不少親熱戲的他，被問到是否向對方備案？他直言自己現非名草有主，更自爆已被女方速撇，戀情旋即見光死：「唔好再嚇走喇！（已經嚇走咗？）你哋唔好理咁多啦！」他指女方是圈外人，難以承受圈內壓力：「同佢已經冇咩空間可言！我好尊重對方意願，可能佢需要搵個圈外人啦！（可惜？）都冇計，只怪Timing唔啱啦！」而腳有舊患的他又指拍動作場面實無大礙：「啲報道寫到我好似過唔到舊年咁，最後我咪過咗！」
子善警告洪永城
最近，與二人兄妹相稱的唐詩詠獲洪永城力追，而女方甚為受落，問身為「阿哥」的子善有何看法時，他謂:「佢開心就得，如果真係確實，洪永城就要對我個妹好啲，因為佢畀人傷害過好痛苦，如果唔係就打洪永城Pat Pat！」至於同為詩詠「哥哥」的馬國明亦多次與女方傳緋聞，問子善有否幫手牽紅線？他即笑謂：「馬明怕醜仔，冇鬼用！算啦！」
文：影視組