趙碩之胸狠學武闖影壇
上圍升級34E的趙碩之在昨日出版的《好報》獨家深情剖白「爽直」真性情，自詡為元祖級o靚模的她不屑與人打交道兼比較，入行六年決定向影圈再闖高「峰」，既學做戲又學武，不介意為電影角色「禾稈冚珍珠」收起34E身材，誓要一展所長做打女。
趙碩之（Wylie）由元祖級o靚模進軍電影界，她在昨日出版的《好報》獨家大解放34E，更寸嘴指o靚模始祖周秀娜及陳靜為後輩，盡顯真性情。雖然入行已六年事業未盡人意，惟Wylie在愛情上「追掂」現任球員男友林家亮，拍拖十分sweet。
秘密練兵
決意再闖「高峰」的Wylie一心向動作演員發展做打女，她自認兒時跳跳紮：「細個做乜都唔停，可以儲埋精力做戲，覺得今次終於都可以大演身手。」她一直有自我裝備，之前跟動作特技替身及武指練習學武，打好底子，靜待機會，又跟黃秋生學做戲：「雖然只係兩星期，發掘到好多嘢，到時睇導演有冇慧眼去揀，我唔要唔屬於自己嘅機會。」
願意紮胸
談到如何在眾多打女中突圍？Wylie說：「冇必勝之策o架，反而身材上會因應角色需要嚟配合，收起34E身材都冇所謂，要封胸就封、要平胸就紮胸，好似盜墓者羅拉着樽領都可以令身形玲瓏浮凸，作為演員係要keep住個body，任何時候都要在狀況，睇角色需要！」她初出道拍電視劇《四葉草》時要演個冇胸TB角色，Wylie說：「我當時由34D紮到變成大家都唔覺大胸，直至有着泳衣嘅場口，大家先嘩然話原來咁大，可能娛樂圈就係要戲劇性。」
文：名人組