蘇志威盼舞勻十八區
人稱「蘇老闆」的草蜢成員蘇志威昨日現身美孚，為有份投資的舞蹈學校舉行開幕儀式，太太劉小慧、蔡一智和薛家燕等出席支持，分校已開到第四間的蘇老闆說：「希望18區都有分店，下一間想喺沙田，由09年開始至今累積有3萬幾個學生。」
學校教授多類型舞蹈，問他會否落場教？蘇老闆說：「佢哋（導師）有晒國際認可，係專業導師，唔同我哋呢啲少林寺打出嚟。」農曆新年草蜢會到新加坡演出，整個佳節都不在港。薛家燕則表示專程恭喜蘇志威，她說：「自己個藝術中心有時唔夠地方都會借佢地方上堂。」可打算將學院擴充？她說：「想呀，有睇緊地方，但依家啲舖租貴，要睇吓先。」