藝人陳玉蓮昨日出席「復康力量在『職』達人頒獎禮」，近年主力參與慈善的她，笑言已非「現代文盲」，因為安裝了社交App與人通信：「依家好多時間喺內地做慈善，用微信方便啲，但只係裝咗微信，同埋自己手機冇流量，要有Wifi先收到。」經常往返山區探訪的她坦言過程辛苦，惟她享受箇中樂趣：「我同朋友六年嚟自己揸車去唔同山區，過程係辛苦，自己『上車做司機，落車做咕哩』，又要搬埋物資，但係好開心！」甚少在幕前露面的她更露口風想拍劇。
