燦神曲線撐亞視：執咗佢！
亞視正值多事之秋，有「燦神」之稱的廖偉雄昨日竟叫亞視執笠？原來經歷多番起跌的燦神，是想亞視以超市方式開放平台，力求改革望其浴火重生！同場的亞視執行董事葉家寶雖指燦神只為語出驚人，但坦言會虛心接受意見求變，望過年前出到糧！
廖偉雄昨日在深水埗舉行新書發布會，亞視執行董事葉家寶和亞視藝人張家瑩等現身撐場。曾經歷破產再捲土重來的「燦神」，在台上笑言亞視應盡快執笠：「一係就執咗佢，一係就博，點解要等執？」他又指亞視結業會令不少港人傷心：「所以必須改變政策方向！」
「燦神」直指亞視已忘記收視的重要性，所以要以經營超市的方式運作，轉危為機：「畀各路英雄埋嚟！」又呼籲亞視員工留守，笑說因為如亞視破產，第一個分錢就是員工：「執咗笠每人都拎到部機走！」
賣農地籌集資金
葉家寶笑指「燦神」是語不驚人誓不休：「其實都試過開放平台，但冇積極搞，會反思。」他說亞視會透過賣農地、賣亞姐經營權等籌資金，望過年前可出一月份薪金，更表示欲製作處境喜劇，吸引廣告客戶贊助。
張家瑩直言最近加薪0.9%，問她為何仍留在亞視，她指即使自己開餐廳，但仍在學做生意，而自己在電視台工作有經驗，不想半途而廢。
文：影視組