電影《12金鴨》以賣底褲奇招宣傳欲在賀歲檔期搶風頭，至於同為今年賀歲片的《賭城風雲Ⅱ》、電影版《衝上雲霄》和《浮華宴》亦有不同策略，力谷宣傳，誓在票房方面分高下。
《賭城風雲Ⅱ》導演王晶就指電影着重內地市場，他說：「唔會喺香港搞謝票喇，唔通叫發哥出嚟戲院跑數咩？但本月8日至14日我都會去上海、北京同澳門宣傳。」
電影版《衝上雲霄》將以鋪天蓋地方式宣傳，公關稱：「呢啲嘢各有各做！很快周圍會見到電影嘅海報，仲會着力喺網上Sell一雙一對嘅概念，等情侶一齊入場！」
《浮華宴》的宣傳公關將豪擲2000萬在中港宣傳：「其實上年8月已經Book咗搶眼嘅廣告牌同隧道口，而2月5日仲會喺會展安排一眾演員以浮華Look出席首映。」
