古仔撇妍希孖若彤續神鵰緣
自1995年經典劇集《神鵰俠侶》後，「楊過」古天樂與「小龍女」李若彤於《12金鴨》中「再續情緣」，兩人更玩健身練「玉女心經」，而早前拍內地劇遭網友譏為「小龍包」的陳妍希，今次卻未能與傳緋聞的古仔有對手戲。
古仔昨日現身宣傳活動，坦言跟李若彤長達16年沒見面：「同佢喺活動都冇撞過，有次喺飛機度先撞番，我諗好多人都期待呢部戲，再合作大家都冇咩唔同。」同場的君如笑言問過李若彤拍劇時有否擦出火花，對方指古仔「16年如一日」愛獨自躲於一角。至於是否怕兩人再傳緋聞而不安排妍希和古仔同場？君如否認道：「大家想睇姑姑同過兒嘛。（怕觀眾唔鍾意妍希包包面？）唔好咁話人，佢好靚女，戲中做我女神，我女友。」此外，妍希昨於台灣出席活動，瘦了1、2公斤的她獲讚似《魔雪奇緣》的Elsa，新一年盼留在台灣拍電影。
