金愛妍校鬧鐘曬33D

名模Mandy Lieu愛將韓模金愛妍（Kim）來港發展雖然只是短短一年多，不過有樣有身材的她，深得廣告客戶垂青密密吸金。為了獎勵自己過去的努力，早前Kim與兩名女友人到峇里島去旅行五日，享受陽光與海灘，更在當地大解放其33D「咪咪」，將美好身段盡顯人前，而Kim更「職業病」上身，在沙灘大擺甫士，以S身形取勝！

沙灘有艷遇

而Kim坦言此行十分放鬆，雖然害怕與陽光玩遊戲，但仍豁出去，她說：「我好怕曬，但見到陽光咁靚，真係豁出去啦，所以唔理咁多同班姊妹去沙灘玩。我哋set咗個鬧鐘，每兩個鐘就補一次防曬，防止變黑！」問到大騷火辣身材的她，有否艷遇發生？她笑言：「我哋喺沙灘relax緊，都有唔少人望我哋，仲有幾個男仔主動走過嚟問我哋拎電話。（咁有無畀佢哋？）有呀，當識多幾個朋友囉！」

戰利品豐富

熱愛購物的Kim，自爆此行亦買了不少戰利品，幸好及時收手，她說：「我好鍾意買護膚品同衫，喺當地都買唔少，但我都買得幾瘋狂，身邊朋友都有提我唔好買咁多，如果唔係一定放唔晒落行李，畀人罰超重。」

文：專案組